Қозоғистонда ўзини-ўзи иш билан таъминлаганлар учун мобил илова яратилади

NUR-SULTAN. Kazinform – Қозоғистонда ўзини-ўзи иш билан таъминлаганлар меҳнат ҳуқуқларини ҳимоя қилишга қаратилган «Бандлик платформаси» тизими жорий этилади, деб хабар беради Kazinform.

«Хизмат кўрсатиш соҳасида 900 мингга яқин киши банд. Уларнинг баъзилари қонундан ташқари, яъни бир марталик хизматлар бўлиб, аксарияти буюртма берувчилар томонидан ҳимояланмаган. Шу муносабат билан биз «Бандлик платформаси» дастурий маҳсулотини ишлаб чиқдик. Ҳозирда у синовдан ўтказилмоқда (...) Тозалаш, уй хавфсизлиги, озиқ-овқат етказиб бериш хизматларини кўрсатувчи резидентлар ушбу иловада рўйхатдан ўтишлари ва буюртмалар олишлари мумкин. Бундан ташқари, унда томонларнинг ҳуқуқ ва мажбуриятлари, ижрочининг меҳнат ҳуқуқларини ҳимоя қилиниши назарда тутилган», — деди меҳнат ва аҳолини ижтимоий муҳофаза қилиш вазири ўринбосари Ержан Биржанов.

Маърузачининг фикрича, бу тадбиркорлик муҳитида сояда қолиб кетган шахсларнинг бир қисмини озод қилиш ва уларни юқори даражага кўтариш имконини беради. Илова орқали улар осонгина рўйхатдан ўтишлари ва солиқларни тўлашлари мумкин.

Меҳнат вазирлиги маълумотларига кўра, 2025 йилга бориб икки миллиондан ортиқ, жумладан, 600 мингдан ортиқ доимий ва 1,4 миллиондан ортиқ вақтинчалик иш ўринлари яратилади. Барча янги иш ўринлари «Иш ўринлари яратишнинг яхлит харитаси» ахборот тизимида ўз аксини топган.

Жорий йилнинг дастлабки икки ойи якунларига кўра, мамлакатда 65 мингга яқин, жумладан, 16 мингдан ортиқ доимий иш ўрни яратилди.

Муаллиф: Айжан Серикжанқизи