Қозоғистонда йил охирига қадар республика йўлларининг 91 фоизи талаблар даражасида бўлади

ASTANA. Kazinform – Қозоғистонда 11 минг километрдан ортиқ мавжуд автомобил йўллари қайта қурилмоқда. Шундан 7 минг километри республика аҳамиятига молик йўллардир. Бу ҳақда Автомобил йўллари қўмитаси раиси Тўлеген Абдуллин маълум қилди, дея хабар беради Kazinform мухбири.

«11 минг километрдан ортиқ автомобил йўлларининг 7 минг километри республика, 4 минг 600 километри маҳаллий аҳамиятга эга. Шу билан бирга, республика аҳамиятига молик 4 минг километрлик автомобил йўллари таъмирланмоқда. Тез орада унинг 1,2 минг километрини тугатамиз. 3 минг километрга яқин автомобил йўллари капитал ва ўрта таъмирдан чиқарилди, шундан 900 километри таъмирланади. Маҳаллий аҳамиятга молик автомобил йўлларига келсак, 4,6 минг километр йўл таъмирланмоқда»

, — деди Тўлеген Абдуллин.

Унга кўра, йил якунига қадар республика миқёсидаги автомобил йўлларининг 91 фоизи, маҳаллий аҳамиятдаги автомобил йўлларининг 85 фоизи меъёрий талабларга жавоб беради.

«Йўлларни реконструкция қилиш бўйича 17 та лойиҳа амалга оширилмоқда. Жумладан, Давлат раҳбари топшириғига асосан жорий йилда 72 километр узунликдаги «Подстепное – Федоровка» автомобил йўлининг икки қисмини реконструкция қилишга киришдик. Унга 6 миллиард тенге ажратилди. Қолган 2 та участка учун маблағ йиғиш ишлари олиб борилмоқда»

, — деди қўмита раҳбари.

Муаллиф: Даулет Изтилеу