Қозоғистонда йил бошидан буён ижтимоий нафақалар учун 77 миллиард тенге сарфланди

NUR-SULTAN. Кazinform - Жорий йилнинг уч ойида 59,2 минг нафар аёл ҳомиладорлик ва туғиш, янги туғилган болани асраб олиш билан боғлиқ даромадларини йўқотганлиги сабабли Давлат ижтимоий суғурта жамғармасидан жами 33,9 миллиард тенге миқдорида ижтимоий нафақа олди, деб хабар беради Kazinform.

Меҳнат ва аҳолини ижтимоий ҳимоя қилиш вазирлиги маълумотларига кўра, 1 ёшгача бўлган болаларни парваришлаш муносабати билан даромадидан маҳрум бўлган 423,5 минг нафар фуқарога 42,6 миллиард тенге миқдорида ижтимоий нафақа тайинланган.

«Юқорида кўрсатилган биринчи нафақани олиш ҳуқуқи ҳомиладорлик ва туғиш даврида вақтинча меҳнатга лаёқатсизлик варақасида кўрсатилган кундан бошланади. Ушбу ижтимоий нафақа миқдори охирги йилда ишлайдиган аёллар томонидан олинган ижтимоий тўловлар ва меҳнатга лаёқатсизлик кунларига боғлиқ.

Иккинчи тўловни олишнинг асосий шартлари - даромадни йўқотиш ва боланинг 1 ёшга тўлгунга қадар ҳақиқий парвариши. Тўлов миқдори ўртача ойлик даромаднинг 40% ни ташкил этади, бу бола туғилишидан олдинги сўнгги 2 йил давомида Ижтимоий суғурта жамғармаси томонидан олинган ижтимоий тўловларга боғлиқ. Шу билан бирга, ушбу тўловнинг энг кам миқдори ишсиз аёлларга тайинланадиган 1 ёшгача бўлган болаларни парваришлаш бўйича шунга ўхшаш ойлик давлат нафақаси миқдоридан кам бўлмаслиги керак», — дейилади хабарда.

Кўриниб турибдики, энг кўп миқдор энг кам иш ҳақининг етти баравари миқдорининг 40 фоизидан ошмаслиги керак. Ижтимоий тўловларнинг 10 фоизи миқдоридаги мажбурий пенсия бадаллари ушлаб қолинади ва Ягона жамғариб бориладиган пенсия жамғармаси ҳисоб рақамига ўтказилади.