Қозоғистонда йил бошидан бери 85 минг уй фойдаланишга топширилди

NUR-SULTAN. Kazinform – Қозоғистонда 2020 йилнинг 9 ойида 85 418 та уй фойдаланишга топширилди. Бу ҳақда ҚР Индустрия ва инфратузилмаларни ривожлантириш вазири Бейбит Атамқулов Ҳукумат йиғилишида маълум қилди, деб хабар беради Kazinform мухбири.

2020 йил 9 ой ичида қурилиш саноатида ҳақиқий ҳажм индекси 110,5 фоизни ташкил этди. Бу ҳудудларда қурилиш-монтаж ишларининг тикланиши муносабати билан қурилиш ҳажмини ошириш орқали таъминланди. 16 ҳудудда ижобий динамика кузатилмоқда.

Жорий йилнинг 9 ойида 9 миллион 619 минг квадрат метр уй фойдаланишга топширилди. Бу ўтган йилнинг шу даврига нисбатан 109 фоизни ташкил этади.

«Мамлакатда жами 85 418 та уй фойдаланишга топширилди. 14 та ҳудудда уйларни фойдаланишга топшириш ҳажми ошди», - деди Бейбит Атамқулов.

Муаллиф: Марлан Жиенбай