Қозоғистонда Янги Солиқ кодекси қачон қабул қилиниши маълум қилинди

None
ASTANA. Kazinform – Янги Солиқ кодекси лойиҳасини тўлиқ ишлаб чиқиш ва тайёрлаш учун 1,5 йил керак бўлади. Бу ҳақда Қозоғистон Республикаси Миллий иқтисодиёт вазири Алибек Қуантиров маълум қилди, дея хабар беради Kazinform муаллифи.

Бугун Сенатнинг ялпи мажлисида палата раиси янги Солиқ кодекси лойиҳаси парламентга қачон киритилишини сўради.

«Миллий режага мувофиқ келгуси йилнинг сентябр ойи белгиланди. Бироқ, муҳокама давомида маҳаллий ва хорижий экспертлар бу йўналишда кўпроқ вақт кераклигини таъкидламоқда. Ҳужжатни сифатли тайёрлаш учун камида бир ярим йил керак бўлади. Белгиланган муддатни бажариш учун тегишли ишларни амалга оширамиз. Келгуси олти ой ичида фаол тадбирларни амалга оширмоқчимиз. Депутатларан ҳам бу йўналишда қўллаб-қувватлашларини сўраймиз. Белгиланган вазифага кўра, янги Солиқ кодекси 2024 йилдан кучга кириши керак»

, — деди Алибек Қуантиров.

Сенат Раиси М. Ашимбаев ушбу ҳужжатни батафсил ишлаб чиқиш кераклигини айтди.

«Қонун ҳужжатини шошқалоқлик билан қабул қилиш керак эмас. Ҳужжатни Парламентга киритишдан олдин сенаторларни сафарбар қилиш, уларни ишчи гуруҳ таркибига киритиш, ҳар томонлама кўриб чиқиш муҳим аҳамиятга эга»

, — деди Сенат Раиси.

Муаллиф: Руслан Ғаббасов

Сўнгги хабарлар