Қозоғистонда янги Давлат маслаҳатчиси лавозими пайдо бўлди

NUR-SULTAN. Kazinform – Қозоғистон Президенти Қасим-Жомарт Тоқаев Қозоғистон Давлат маслаҳатчиси мақоми ва ваколатларини белгиловчи фармонни имзолади, деб хабар беради Kazinform.

Ҳужжатга кўра, Қозоғистон Республикаси Давлат маслаҳатчиси Президент томонидан лавозимга тайинланиши ва лавозимидан озод этилиши мумкин. У ўз фаолиятини бевосита Давлат раҳбарининг раҳбарлигида амалга оширади, унга ҳисобот беради ва унинг назорати остидадир.

Давлат маслаҳатчиси Президент ҳузуридаги маслаҳат органлари фаолиятини ҳам мувофиқлаштиради. Ўз ваколатига кирувчи масалалар юзасидан марказий ва маҳаллий ижро этувчи ҳокимият органларига кўрсатмалар бериш; Ҳукумат мажлисларида, Давлат раҳбари ҳузуридаги маслаҳат органларида иштирок этиш; идоралараро ишчи гуруҳлар тузишга ҳақли.

Бундан ташқари, у парламент, бошқа давлат органлари, сиёсий партиялар ва жамоат бирлашмаларининг халқаро муносабатларда вакиллик қилади. Ижтимоий-гуманитар соҳа: таълим, фан, маданият ва спорт соҳасидаги фаолиятни мувофиқлаштиради.

Фармон матни билан мана бу ерда танишиш мумкин.

Шунингдек, ҚР Президентининг Фармонига биноан, Давлат маслаҳатчиси лавозимига Ерлан Қарин тайинланди.

«Қозоғистон Республикаси Конституцияси 44-моддаси 19) бандига мувофиқ, Ерлан Тинимбайули Қарин Қозоғистон Республикасининг Давлат маслаҳатчиси лавозимига тайинлансин», — дейилади ҳужжатда.