ASTANA. Kazinform - Қозоғистоннинг аксарият ҳудудларида беқарор об-ҳаво сақланиб қолади. Қор ва ёмғир кўринишидаги ёғингарчилик, кучли шамол эсиши, шимоли-ғарбий, шимолий ва шарқий ҳудудларда паст қор бўрони кутилмоқда, дея хабар беради Kazinform «Қазгидромет» РДКга таяниб.
Синоптикларнинг маълумотларига кўра, 11-12 март кунлари мамлакат жанубида кучли ёмғир ёғади. Республиканинг шарқий ҳудудларида эса кучли ёғингарчилик (ёмғир, қор) бўлиши кутилмоқда. Қозоғистоннинг жануби-шарқида кучли ёмғир ёғади. Мамлакат бўйлаб туман тушиши, шимолий ярмида яхмалак ҳосил бўлиши, республиканинг жанубий ярмида момақалдироқ бўлиши кутилмоқда.