Қозоғистонда «Йўл харитаси» доирасида 207 минг киши иш билан таъминланди

NUR-SULTAN. Kazinform – Қозоғистонда 2020-2021 йилларда иш билан таъминлашнинг «Йўл харитаси» доирасида 6,7 мингдан зиёд лойиҳа ишга туширилди, уларда 130 минг тенге ўртача иш ҳақи билан 207 минг киши ишлайди, деб хабар беради Kazinform мухбири.

«Инфратузилма лойиҳаларини амалга оширишнинг алоҳида шарти - бу маҳаллий ишлаб чиқарувчиларнинг камида 90 фоизининг товар ва хизматларидан фойдаланиш. Ишчиларнинг камида ярми бандлик марказлари орқали қабул қилинади, биринчи навбатда ишсиз ёшларга берилади. Пудратчилар санитария-эпидемиология чораларидан фойдаланган ҳолда хавфсиз меҳнат шароитларини таъминлаши шартм, - дейилади Меҳнат вазирлиги хабарида.

1 ноябрь ҳолатига кўра, ҳудудларда 6,7 мингта лойиҳа ишга туширилди, 207 мингта иш ўрни яратилди, шу жумладан, бандлик марказлари орқали яратилган 112 мингдан ортиқ иш ўринлари яратилди.

Дастур иштирокчиларининг ярми қишлоқ аҳолиси, 40% ёшлар ва 7% кам таъминланган фуқаролар.

Иш билан таъминлаш бўйича бандликнинг энг юқори улуши Шарқий Қозоғистон (20,5 минг киши ёки 108,8%), Қизилўрда (9,4 минг киши ёки 101,2%) ва Атирау (7,3 минг киши ёки 102,9%) вилоятларида.

Аввал хабар қилинганидек, «Йўл харитаси» доирасида 255 мингта иш ўрни яратиш режалаштирилган. Шу билан бирга, лойиҳалар келажакда 100 мингдан ортиқ доимий иш ўринларини яратишга асос бўлади.

Муаллиф: Руслан Ғаббасов