12:35, 12 Апрел 2021 | GMT +6
Қозоғистонда ҳудудларига 600 минг дозадан ортиқ вакцина етказилди
NUR-SULTAN. Kazinform – Қозоғистонда ҳудудларга 600 минг дозадан ортиқ вакцина етказиб берилди. Бу ҳақда ҚР Соғлиқни сақлаш вазири Алексей Цой маълум қилди, деб хабар беради Kazinform мухбири.
«1 февралдан бошлаб 611 минг доза вакцина ҳудудларга етказиб берилди. Вакцинани етказиб бериш тасдиқланган жадвалга мувофиқ босқичма-босқич амалга оширилади. Эртага яна 300 минг дозани ҳудудларга етказиб беришади», - деди вазир Ҳукумат йиғилишида.
Унинг таъкидлашича, апрель ойида қўшимча 1,4 миллион дозани етказиб бериш кутилмоқда.
«Бу, ўз навбатида, апрель ойида мамлакатда 2 миллионга яқин одамга эмлаш имкониятини беради», - деди Алексей Цой.