Қозоғистонда ўтган йили қўйлар сонининг энг юқори ўсиши қайд этилган

NUR-SULTAN. Kazinform – 2020 йилда Қозоғистонда қўйлар сони бир йилда 837 мингга кўпайган. Бу ҳақда Жазилбек Қуанишбаевнинг 125 йиллигига бағишланган «Қозоғистонда қўйчилик: ўтмиши, бугуни ва келажаги» конференциясида ҚР Қишлоқ хўжалиги вазири Сапархан Омаров маълум қилинди, деб хабар беради Kazinform мухбири.

«2020 йил якунлари бўйича мувофиқлаштирилган ишлар ва ўз вақтида кўрилган чора-тадбирлар туфайли агросаноат мажмуасида деярли барча макроиқтисодий кўрсаткичлар ўсишининг ижобий динамикаси кузатилмоқда. 2020 йилда қўйчиликни ривожлантириш учун давлат бюджетидан 16 млрд тенге ажратилган. Бу шуни англатадики, 2019 йил даражаси билан таққослаганда, давлат томонидан қўллаб-қувватланадиган маблағ миқдори 35 фоизга ўсди. Натижада, 2020 йилда қўйлар сони 17,7 миллион бошга, шу жумладан корхона ва фермер хўжаликларида 8,4 миллион бошга, уй хўжаликларида 9,2 миллион бошга етади. 2020 йилда қўйларнинг йиллик энг юқори ўсиши қайд этилди. Бу бир йил ичида 837 мингта қўйга кўп», - деди вазир.

Унинг таъкидлашича, зотли қўйларнинг улуши 16,1 фоизга ёки 2,8 миллион бошга етди. 300 минг бош зотли қўйлар сотилди. Бу, ўз навбатида, селекция ишларини ривожлантиришга ёрдам беради.

Муаллиф: Марлан Жиембай