Қозоғистонда террорчилик хавфининг «критик қизил» даражаси жорий этилди - МХҚ

NUR-SULTAN. Kazinform - Қозоғистон Миллий хавфсизлик қўмитаси раиси генерал-майор Е.Сағимбаев терроризмга қарши кураш республика оператив штабининг йиғилишини ўтказди, деб хабар беради Kazinform.

Қозоғистон Республикаси Президентининг розилиги билан МХҚ Раиси – Республика тезкор штаб бошлиғининг буйруғига асосан Қозоғистон Республикаси ҳудудида террорчилик хавфининг «критик қизил» даражаси жорий этилди.

Мамлакатнинг барча ҳудудларида аксилтеррор операция режими ўрнатилди.

Давлат органларининг биринчи раҳбарлари томонидан шахслар ва мамлакат ўртасидаги террорчилик таҳдидини бартараф этиш, вазиятни барқарорлаштириш чоралари кўрилмоқда.