Қозоғистонда талаб юқори бўлган техник мутахассисликлар ТОП-10 номи аниқланди

ASTANA. Kazinform – Халқ таълими вазирлигининг Техник ва касб-ҳунар таълими бошқармаси энг оммабоп йўналишлар рейтингини тузди, деб хабар беради Kazinform.

Жорий йилда давлат таълим муассасаларига буюртма бўйича 130 мингдан ортиқ абитуриент, жумладан, корхоналар буюртмасига кўра 10 минг нафар талаба қабул қилиниши режалаштирилган.

Ҳозирги вақтда меҳнат бозорида қуйидаги йўналишлар талабгор саналади:

• ахборот технологиялари;

• қурилиш ва коммунал хўжалиги;

• геология;

• тоғ-кон саноати;

• энергия;

• металлургия ва машинасозлик;

• транспорт;

• алоқа;

• педагогика;

• тиббиёт ва бошқалар.

«Мамлакатимиз коллежларида жами 517 минг нафар ўқувчи таълим олади, шундан 312 минг нафари бепул техник ва касб-ҳунар таълими билан қамраб олинган. Жорий йилда халқ таълимига буюртмалар 50 минг ўринга кўпаяди. Бундан ташқари, янги ўқув йилидан бошлаб коллеж ўқувчиларининг стипендияси 50 фоизга оширилади», - деб ёзади вазирлик.

Давлат буюртмаси бўйича таълим олаётган талабалар ижтимоий қўллаб-қувватланади.

Бунга стипендия, озиқ-овқат ва йўл ҳаки киради.