Валюталар курси:
    usd/kzt 465.95 eur/kzt 485.43

    rub/kzt 7.72 cny/kzt 65.28
Об-ҳаво маълумотлари:
Нур-Султон: +2+4℃

Қозоғистонда тадбиркор аёллар сони ортиб бормоқда

23 Сентябрь, 07:12

ASTANA. Kazinform – ҚР Миллий иқтисодиёт вазири ўринбосари Бауиржан Омарбеков Астана шаҳрида бўлиб ўтган «ASMAR - бирлик анъаналари» халқаро тадбиркор аёллар конгрессида иштирок этди. Бу ҳақда Kazinform ҚР Миллий иқтисодиёт вазирлиги матбуот хизматига таяниб хабар беради.

Иштирокчилар Қозоғистонда аёллар бизнесини қўллаб-қувватлаш ва барқарор ривожлантириш масалаларини, ишбилармонлик муҳитини шакллантиришнинг янги ёндашувлари ва тенденцияларини муҳокама қилдилар.

Вазир ўринбосари ўз нутқида мамлакатда аёллар тадбиркорлигини ривожлантириш ва қўллаб-қувватлаш борасида давлат томонидан салмоқли ишлар амалга оширилаётганини таъкидлади. Буни кичик ва ўрта корхоналарда аёллар улуши ортиб бораётгани (2010 йилда - 26 фоиз, 2021 йилда - 43,3 фоиз) тасдиқлайди.

«Иқтисодий фаолиятни қўллаб-қувватлаш мақсадида «Тадбиркорликни ривожлантириш миллий лойиҳаси» доирасида молиявий ва номолиявий қўллаб-қувватлаш чоралари кўрилмоқда. Шунингдек, халқаро молия институтлари ва «Даму» АЖнинг турли дастурлари орқали давлат томонидан қўллаб-қувватланмоқда», - деди Б.Омарбеков.

2021 йил якунига кўра, иш ҳақи ставкасини субсидиялаш доирасида тадбиркор аёлларнинг 10 мингга яқин лойиҳаси, кредитларни кафолатлаш бўйича 7 мингга яқин лойиҳа қўллаб-қувватланди. Ўтган йили ахборот таъминоти бўйича 84 минг, шунингдек, хизмат кўрсатиш бўйича 17 мингдан ортиқ маслаҳатлар берилди.

Шунингдек, 17 та Аёллар тадбиркорлигини ривожлантириш марказлари фаолият кўрсатмоқда. Мақсад - аёлларнинг иқтисодий фаоллигини рағбатлантириш. Келгуси йилда учта янги вилоятда (Абай, Улитау ва Жетису) марказлар очилиши режалаштирилган.

Новости по теме
Ўхшаш янгиликлар