Қозоғистонда суғурта омбудсманининг роли кучайтирилади

ASTANA. Кazinform – Қозоғистонда суғурта омбудсманининг роли кучайтирилади. Бу ўзгартиришлар «Қозоғистон Республикасининг айрим қонун ҳужжатларига суғурта ва қимматли қоғозлар бозорини тартибга солиш ва ривожлантириш масалалари бщйича ўзгартириш ва қўшимчалар киритиш тўғрисида»ги қонунда қайд этилган, деб хабар беради Кazinform мухбири.

«Қонунда суғурта омбудсмани суғурта ташкилоти билан мижозларга оид низоларни судгача ҳал қилишни жорий этиши белгилаб қўйилган. Ушбу норма 2024 йилдан жорий этилади. Агар суғурта омбудсмани суғурта компанияси билан масалани ҳал қилмаса, мижозлар аввал суғурта омбудсманига, кейин эса судга мурожаат қилишлари шарт. Суғурта ташкилотлари омбудсман томонидан чиқарилган қарорларни бажаришлари шарт. Агентлик буни назорат қилади», — деди Марказий коммуникациялар хизматида бщлиб ўтган матбуот анжуманида Қозоғистон Республикаси Молия бозорини тартибга солиш ва ривожлантириш агентлиги раиси щринбосари Мария Хожиева.

Унинг сўзларига кўра, суғурта омбудсмани Қозоғистонда 2008 йилдан буён фаолият юритиб келади. Суғурта омбудсмани ўз фаолиятида мустақил шахс бўлиб, унинг асосий фаолияти суғурта ташкилотлари ва уларнинг мижозлари ўртасида тузилган суғурта шартномалари бўйича низоларни суддан ташқари ҳал этиш ҳисобланади.

Суғурта омбудсмани суғурта ташкилоти мижозига бепул хизматлар кўрсатади. Суғурта омбудсмани кўриб чиқиш ҳуқуқига эга бўлган низолар бўйича даъволар миқдори 10 000 БҲМдан (2022 йил ҳолатига тахминан 31 миллион тенге) ошмаслиги керак.

Аксарият ҳолларда суғурта омбудсмани суғурта тўлови миқдорини белгилаш, транспорт воситасига етказилган зарар миқдорини ҳисоблаш, тўловни амалга оширишни рад этиш ва ҳ.к. тегишли транспорт воситалари эгаларининг фуқаролик жавобгарлигини мажбурий суғурта қилиш доирасидаги низолар бўйича мурожаат қилиш.

Бундан ташқари, суғурта омбудсмани суғуртанинг барча турлари бўйича низоларни ҳал қилади, бунда жисмоний ёки кичик тадбиркорлик субъектлари суғурта қилдирувчи сифатида ишлайди. Бошқа юридик шахслар суғурта омбудсманига фақат транспорт воситалари эгаларининг фуқаролик жавобгарлигини мажбурий суғурта қилиш учун мурожаат қилишлари мумкин.

Муаллиф: Айжан Серикжанқизи