Қозоғистонда солиқ ҳисоботлари 98% электрон шаклда тақдим этилмоқда

NUR-SULTAN. Kazinform – Рақамлаштириш чоралари коррупцияни камайтиришга ижобий таъсир кўрсатмоқда. Бу ҳақда ҚР Молия вазирлиги Давлат даромадлари қўмитаси раҳбари Марат Султанғазиев маълум қилди, деб хабар беради Kazinform мухбири.

Давлат даромадлари қўмитасида коррупцияга қарши профилактика тадбирларини ўтказиш янги инновацион чоралар ва усулларни қўллаш, коррупцион хатарларни ички таҳлил қилиш ва йўқ қилиш, коррупцияга қарши маданиятини шакллантиришга асосланган. Қўмита раҳбарининг сўзларига кўра, асосий ҳаракатлар маъмуриятни рақамлаштиришга қаратилган. Бу қарор қабул қилиш жараёнида инсон омилини олиб ташлаш орқали коррупцияни минималлаштиради.

«Ҳозирда солиқ ҳисоботларининг 98,9 фоизи электрон шаклда топширилмоқда, яъни мансабдор шахслар билан алоқа йўқ. Бугунги кунга келиб, 44 та хизматдан 37 таси электрон форматга ўтказилди, шунинг учун солиқ тўловчилар уларни расмийларга мурожаат қилмасдан олиш имкониятига эга. Амалга оширилган чора-тадбирлар коррупция даражасига сезиларли таъсир кўрсатди ва ўтган йилнинг шу даврига нисбатан коррупция ҳолларининг сезиларли даражада камайиши кузатилмоқда», - деди у.

Муаллиф: Аян Бекенўғли