Қозоғистонда Сенат Республика куни умумхалқ байрами деб белгиланган ҳужжатни қабул қилди

ASTANA. Kazinform – ҚР Парламенти Сенатининг ялпи мажлисида палата депутатлари Биринчи Президент кунини давлат байрамлари рўйхатидан олиб ташлашга қаратилган қонунни қабул қилди, дея хабар бермоқда Kazinform мухбири.

Бу норма «Қозоғистон Республикасининг айрим қонун ҳужжатларига кинематография, маданият ва байрамлар масалалари бўйича ўзгартиш ва қўшимчалар киритиш тўғрисида»ги қонун лойиҳасида белгиланган.

Шу муносабат билан «Қозоғистон Республикасида байрамлар тўғрисида»ги ҚР Қонунига 25 октябр – Республика кунини умумхалқ байрами, 16 декабр – Мустақиллик кунини давлат байрами сифатида белгилашни назарда тутувчи ўзгартиришлар киритиш назарда тутилмоқда.

Шунингдек, ҳужжатга кўра, 1 декабр – Биринчи Президент куни давлат байрамлари рўйхатидан олиб ташланади.

Муаллиф: Руслан Ғаббасов