Қозоғистонда савдо сиёсати концепцияси ишлаб чиқилмоқда

NUR-SULTAN. Кazinform – Мамлакатда савдо сиёсати концепцияси ишлаб чиқилмоқда. Бу ҳақда Қозоғистон Бош вазири ўринбосари – Савдо ва интеграция вазири Серик Жуманғарин маълум қилди, дея хабар беради Kazinform мухбири.

«Ҳозир биз Савдо вазирлигида савдо сиёсати концепциясини ишлаб чиқмоқдамиз. Бу бизнес билан биргаликда яратилган ва ишланадиган ҳужжат бўлиши керак. Бу ҳақда пойтахтдаги кенгашда йирик тадбиркорлик субъектлари вакилларига маълумот бердим. Мен Алмати вилояти аҳолиси ва ишбилармонлари билан учрашганимда ҳам концепция ҳақида гапириб бердим. Давлат ва бизнес учун самарали ҳужжат яратишга қизиққан барча фуқаролардан таклифларни кутамиз», — деб ёзди Серик Жуманғарин Facebookдаги саҳифасида.

Шунингдек, Бош вазир ўринбосари савдо сиёсати концепцияси билан боғлиқ таклифлар Савдо ва интеграция вазирлигига юборилиши мумкинлигини айтди.

Унга кўра, келиб тушган таклиф ва фикр-мулоҳазалар ишчи гуруҳда кўриб чиқилади.

Муаллиф: Даулет Изтилеу