Қозоғистонда Россия иштирокидаги 13 мингдан ортиқ корхона рўйхатга олинган

NUR-SULTAN. Kazinform - Май ойи охирига келиб Қозоғистонда рўйхатдан ўтган чет эл иштирокидаги юридик шахслар ва филиаллар сони 40,2 мингтага етди, деб хабар беради Кazinform Finprom.kz сайтига таяниб.

Жорий йилнинг май ойи охирига келиб Қозоғистон Республикасида фаолият юритаётган хорижий корхоналар сони йил бошидан буён 12,7 фоизга ошиб, 25 мингтага етди. Агар ойлик ўсишни ҳисобга оладиган бўлсак, хорижий компаниялар оқимининг Қозоғистон Республикасида ўсиши 2022 йил март ойида бошланган.

2022 йилнинг март ойида тармоқдаги ўсиш - 3,3 фоизни, апрелда – 4 фоизни, май ойида – 4 фоизни ташкил этди. Бу сўнгги йиллардаги энг юқори қийматлар. 2021 йилда хорижий компаниялар сонининг ўртача ойлик ўсиш суръати бор-йўғи 1,1 фоизни ташкил этди. Рўйхатга олинган юридик шахслар, хорижий юридик шахсларнинг хорижий капитал иштирокидаги филиал ва шўъба корхоналари сони май ойи охирига келиб 40,2 мингтага етди.

Жорий йилнинг январ-май ойларида бу кўрсаткич 2,4 минг компанияга кўпайди. Шу билан бирга, асосий оқим Россия ташкилотлари ҳиссасига тўғри келади: +1,6 минг, 2022 йил май ойи охирига келиб уларнинг сони 13 мингтага етди.

Компаниялар сонининг ўсиши бўйича дастлабки учлик: Ўзбекистон (ортиқча 205 та ташкилот) ва Беларусь (ортиқча 120 та ташкилот) рўйхатдан ўтган.