Қозоғистонда радар йўқ трассаларда тезликни оширганлар қандай аниқланади

NUR-SULTAN. Kazinform – ҚР ИИВ Маъмурий полиция қўмитаси раиси ўринбосари Жандос Мураталиев мамлакатда жорий этилиши мўлжалланган «Ўртача тезлик» тизими қандай ишлашини тушунтириб берди, деб хабар бермоқда Kazinform.

«Ушбу тизимни жорий этиш бўйича бошқа юридик шахслар билан келишув тузилмоқда. Агар бу лойиҳа амалга оширилса, у шаҳар ичида эмас, фақат йирик магистралларда қўлланилади. «Ўртача тезлик» тизими автомобилнинг А нуқтадан Б нуқтасига етиб бориши учун қанча вақт кетганини аниқлаш учун видеокамералардан фойдаланади. Кейинчалик, бу вақт оралиғида автомобил тезлигини автоматик равишда ҳисоблаб чиқади ва ўртача тезликни чиқаради. Агар ҳисоб-китоб пайтида тезлик юқори эканлиги аниқланса, ҳайдовчи маъмурий жавобгарликка тортилади. Ҳозирда ушбу қонун ҳали ҳам муҳокама қилинмоқда. Ўйлаймизки, сентябр ойида ўзгаришлар киритилади»

, — деди Маъмурий полиция қўмитаси раиси ўринбосари.