Қозоғистонда педагогика олий ўқув муассасаларининг таълим модели мустаҳкамланади

NUR-SULTAN. Кazinform – Олий таълим муассасаларининг таълим моделини кучайтириш зарур. Бу ҳақда Фан ва олий таълим вазири Саясат Нурбек маълум қилди, дея хабар беради Kazinform мухбири.

– Айни пайтда 50 та олий таълим муассасаси негизида педагог кадрлар тайёрланмоқда. Бугун биз демографик тўлқиннинг бошланишини кўряпмиз, шукр. Сўнгги 2 йил ичида 1 миллионга яқин бола туғилди. Аммо бу демографик босим 2026 йилгача тўхтамайди. Худо хоҳласаса, бундан кейин ҳам давом этади. Айни пайтда таълим тизимимизда 1,2 миллион бола таълим олмоқда. Биринчи босим мактабгача таълим муассасаларига тушади. Инфратузилмага ҳам катта босим бўлади. 2025 йилгача 1 мингта мактаб қурилади, деймиз. Уч сменали мактабларни тўлиқ бир сменали мактабларга алмаштириш учун камида 3000 та мактаб керак», — деди Саясат Нурбек республика август конференциясида.

Вазирнинг сўзларига кўра, келгусида мамлакатда 120 мингдан ортиқ педагог кадрлар тайёрлаш зарур.

«Шунинг учун 50 та университетдан 5 та асосий педагогика олий таълим муассасасининг педагогик таълим моделини ишлаб чиқиш ва мустаҳкамлаш зарур. Педагогика фани ва педагогик билимларни такомиллаштириш биз учун стратегик йўналиш бўлади», - деди у.

Муаллиф: Марлан Жиембай