Қозоғистонда ногиронликни белгилаш бўйича 15 мингдан ортиқ ариза сиртқи форматда кўриб чиқилди

ASTANА. Кazinform – 2023 йил 1 чорак якунлари бўйича ногиронлик гуруҳини белгилаш бўйича тиббий-ижтимоий экспертиза ташқи формати бўйича пилот лойиҳасини амалга ошириш доирасида Қозоғистоннинг барча вилоятларидан 15 500 та ариза кўриб чиқилди, бу сертификатлашдан ўтган ногиронларнинг умумий сонининг 23,9 фоизни ташкил этади. Ҳозирда лойиҳага 700 дан ортиқ тиббиёт ташкилотлари қўшилган, дея хабар беради Қозоғистон Республикаси Меҳнат ва аҳолини ижтимоий һимоя қилиш вазирлиги матбуот хизмати.

2022 йилда сиртқи кўрикдан ўтиш учун 57,1 мингта ариза кўриб чиқилди, бу кўрикдан ўтган ногиронлар умумий сонининг 22,7 фоизини ташкил этади.

Аввал хабар қилинганидек, Давлат раҳбари Миллий жамоат ишончи кенгашининг VI йиғилишида алоҳида эҳтиёжли шахслар учун энг қулай шарт-шароит яратиш, уларнинг инстанция ва қоғозбозликдан вақт йўқотишига, шунингдек, хизмат кўрсатувчи провайдерлар, хизматларни олувчилар билан алоқа қилишига йўл қўймаслик бўйича топшириқ берган эди.

Ушбу вазифани бажариш мақсадида Қозоғистон Республикаси Меҳнат ва аҳолини ижтимоий ҳимоя қилиш вазирлиги Соғлиқни сақлаш ва Рақамли ривожланиш, инновациялар ва аэрокосмик саноат вазирликлари билан биргаликда Қозоғистоннинг барча 20 та ҳудудида пилот режимида тиббий-ижтимоий экспертиза ўтказишнинг сиртқи формати лойиҳасини амалга оширмоқда.

Ногиронлик гуруҳини белгилаш хизматини олиш учун аризачи яшаш жойидаги поликлиникага мурожаат қилиши ва зарур текширувдан ўтиши керак, қолган жараёнлар ахборот тизимлари интеграцияси туфайли унинг иштирокисиз амалга оширилади.

Сиртқи кўрикдан ўтиш:

- маъмурий ва бюрократик тўсиқларни бартараф этади;

- тиббий-ижтимоий экспертиза қарорларининг шаффофлигини таъминлайди;

- ногиронликни белгилаш ва ногиронларни ижтимоий ҳимоя қилиш чораларини белгилаш бўйича хизматларни уйдан чиқмасдан олиш имкониятини беради;

- хизмат кўрсатувчининг хизмат кўрсатувчи провайдер билан тўғридан-тўғри алоқа қилишига йўл қўймайди ва шу орқали коррупция хавфини камайтиради.