Қозоғистонда мол гўшти ва парранда гўшти ишлаб чиқариш ҳажми ортди

NUR-SULTAN. Kazinform – Қишлоқ хўжалиги вазирлиги жорий йилнинг 7 ойи давомида чорвачилик хом ашёсини ишлаб чиқариш ва қайта ишлаш ҳажми тўғрисидаги маълумотларни эълон қилди, деб хабар беради Kazinform мухбири.

Вазирликнинг хабар беришича, Қозоғистонда колбаса, гўшт консервалари, чорва моллари ва паррандалар ишлаб чиқариш барқарор ўсиб бормоқда. Янги маҳсулот ишлаб чиқарадиган корхоналар ишга туширилди, тирик ҳайвонлар экспорт чекланиши ва парранда гўштни давлат томонидан қўллаб-қувватлаш, маҳсулотлар ишлаб чиқариш ҳажмининг ошишига ёрдам берди.

«Январь ва июль ойларида барча турдаги мол гўшти ва парранда гўшти ўтган йилнинг шу даврига нисбатан 4 фоизга (сўйиш вазнида 590 минг тонна), сигир сути 3 фоизга (3,6 миллион тонна) ишлаб чиқарилди. Товуқ тухумини ишлаб чиқариш 4,9 фоизга камайиб, 3,1 миллион донани ташкил этди. Колбаса ишлаб чиқариш 21,5% га (27 358 тоннадан 33 234 тоннагача), нордон сут маҳсулотлари 4,7% га (123 300 тоннадан 129 106 тоннагача), сариёғ ишлаб чиқариш 8% га ошди (11 158 тоннадан 12 051 тоннага), пишлоқ ва творог 1,9% га (17 778 тоннадан 18 120 тоннагача), музқаймоқ 1,6% га (21 118 тоннадан 21 455 тоннагача), қайта ишланган сут 0,2% га (332 040 дан 332 576 тоннагача), гўшт консервалари 4,3% га (4 298 дан 4 481 тоннагача) ўсди», - дея хабар беради вазирлик.

Таъкидлаш жоизки, парранда гўшти Қозоғистондаги 24 паррандачилик фермасида ишлаб чиқарилади. Ҳар куни улар 800 тоннадан ортиқ маҳсулот ишлаб чиқаради. Йил охирига қадар 300 минг тоннага яқин гўшт ишлаб чиқаради. 2019 йилда мамлакатда 223 минг тонна парранда гўшти ишлаб чиқарилган. 2018 йилда бу кўрсаткич 192 минг тоннани ташкил этган.

Муаллиф: Аян Бекенўғли