Қозоғистонда мактаб формасини сотиб олиш учун рақамли платформа ишлаб чиқилмоқда

ASTANA. Kazinform – ҚР Индустрия ва инфратузилмаларни ривожлантириш вазирлигида «Очиқ соатлар» майдони доирасида тегишли давлат органлари билан ҳамкорликда кам таъминланган оилаларга молиявий ва моддий ёрдам кўрсатиш тамойиллари бўйича рақамли платформани жорий этиш масалалари муҳокама қилинди, деб хабар беради Kazinform.

Мазкур лойиҳа Давлат раҳбари Қасим-Жомарт Тоқаевнинг маҳаллий енгил саноатни ривожлантириш доирасида давлат буюртмаларини мактаб формасини харид қилишга йўналтириш тўғрисидаги фармойишига мувофиқ амалга оширилиши режалаштирилган.

Ушбу пилот лойиҳани аввалига Астана шаҳрида, кейин эса республиканинг барча ҳудудларида амалга ошириш режалаштирилган.

«Ҳозирги кунда ота-оналарга «Ижтимоий ҳамён» платформаси орқали алоҳида дўконларда мактаб формасини сотиб олиш учун кафолат бериш масаласи кўриб чиқилмоқда. Шунингдек, маҳаллий ишлаб чиқарувчиларга мактаб формаларини имтиёзли шартлар асосида сотиш шохобчаларини таклиф қилиш тавсия этилади. Шу муносабат билан маҳаллий маҳсулот ишлаб чиқарувчилар реестрини шакллантириш, миллий стандартлар бўйича маҳсулот ишлаб чиқаришни аниқлаш асосий талаблардан бири ҳисобланади», - деди Индустрияни ривожлантириш қўмитаси раиси Илияс Оспанов.

Лойиҳани амалга ошириш натижасида бюджет маблағларининг мақсадли сарфланишининг шаффофлиги таъминланади. Мактаб формаси ишлаб чиқариш йўналишида ҳам маҳаллий ишлаб чиқариш ҳажмини оширишга хизмат қилмоқда.