Қозоғистонда магистратурага кириш учун 17 минг ёш мутахассис ҳужжат топширди
Умуман олганда, 2022-2023 ўқув йили учун магистратура босқичига 13 мингдан ортиқ грант ажратилган. Грант танловига ҳужжатлар олий таълим муассасаларининг қабул комиссиялари томонидан анъанавий шаклда ва виртуал комиссиялар орқали онлайн тарзда қабул қилинди.
«Кетма-кет бир неча йиллар давомида энг кўп талабномалар «Педагогика фанлари», «Ахборот-коммуникация технологиялари», «Бизнес, менежмент ва ҳуқуқ» каби йўналишларга топширилди. Қабул кампанияси натижаларига кўра, келгусида қозоқ тили ва адабиёти, чет тили ўқитувчилари, муҳандислар ва дипломатлар ўртасида битта грант ўринлари учун энг катта рақобат бўлиб ўтиши тахмин қилинмоқда», - дейди Миллий тест маркази директори Руслан Емелбаев.
Грантлар бериш тўғрисидаги қарор республика танлов комиссияси томонидан қабул қилинади. Комиссия таркибига вазирлик, давлат органлари, таълим соҳаси касаба уюшмалари, Қозоғистон Республикаси Миллий тадбиркорлар палатаси, оммавий ахборот воситалари, Қозоғистон фуқаролик иттифоқи ва жамоат ташкилотлари вакиллари киради.
Таълим гранти совриндорлари рўйхати 25 августга қадар Миллий тест маркази веб-сайти ва ижтимоий тармоқларда эълон қилинади. Олий таълим муассасаларига ҳужжатларни қабул қилиш 28 августга қадар амалга оширилади.