Қозоғистонда кунига 900 минг тиббий ниқоб ишлаб чиқарилади

NUR-SULTAN. Kazinform – ҚР Индустрия ва инфратузилмаларни ривожлантириш вазири Бейбит Атамқулов тиббиёт ташкилотларини тиббий асбоб-ускуналар ва дори-дармон воситалари билан таъминлаш бўйича олиб борилаётган ишлар тўғрисида маълумот берди, деб хабар беради Kazinform мухбири.

«Тиббий ниқоблар ишлаб чиқарадиган маҳаллий корхоналар ҳар куни 900 минг дона ниқоб ишлаб чиқаради. Бугунги кунда омборларда 15 миллион ниқоб мавжуд. Уларнинг 10 миллиони «СҚ-Фармация» МЧЖга шартнома асосида етказиб берилади. Шунингдек, компаниялар юкларни жўнатишга тайёр. Тиббий қўлқоп ишлаб чиқариш ҳар куни 330 минг жуфт қўлқоп ишлаб чиқаради. Ҳозирда 7 миллион жуфт қўлқоп мавжуд. Жорий йилнинг ноябрь ойида ишлаб чиқариш қуввати кунига 530 минг жуфтга етказилади», - деди вазир Ҳукумат йиғилишида.

Унинг айтишича, бугунги кунга қадар Нур-Султан тиббиёт муассасаларига 129 та ўпкани сунъий шамоллатиш стационар мосламаси етказиб берилди. Ишлаб чиқариш ва цех синовларида 1 190 ЎСВ аппаратлари мавжуд. Уларнинг 181 таси жўнатишга тайёр. Алмати ва Чимкентга етказиб бериш 1 октябрдан бошланиши режалаштирилган. Қолган қурилмалар жорий йилнинг 10 октабригача мамлакатимизнинг 17 та ҳудудидаги 297 та касалхонага етказиб берилади.

«Мамлакатнинг 33 фармацевтика компанияси йилига 3,9 миллиард таблетка ва капсула, 922 дори-дармон препаратларини ишлаб чиқаради. Пандемиянинг иккинчи тўлқини бошланса, фармацевтика компаниялари дори-дармонларнинг зарур қисмини етказиб беришга тайёр», - деди Бейбит Атамқулов.

Муаллиф: Аян Бекенўғли