Қозоғистонда кунгабоқар уруғлари экспортига чекловлар жорий этилди

NUR-SULTAN. Kazinform – 2022 йил сентябр ойи охиригача Қозоғистондан кунгабоқар уруғини экспорт қилиш учун квоталар жорий этилади, дея хабар беради Кazinform ҚР Молия вазирлиги Давлат даромадлари қўмитаси матбуот хизматига таяниб.

Қозоғистоннинг озиқ-овқат хавфсизлигини таъминлаш мақсадида 2022 йилнинг 8 июлидан 2022 йилнинг 30 сентябрига қадар кунгабоқар уруғларини мамлакатдан олиб чиқишга миқдорий чекловлар (квота) жорий этилди.

Шу билан бирга, фармойиш кучга киргунга қадар Қозоғистон Республикаси ва ЕОИИ божхона қонунчилигига мувофиқ экспорт божхона режимига жойлаштирилган ва чиқарилган товарлар республика ҳудудидан тўсиқсиз олиб чиқилиши керак.

Фото: lizagubernii.ru