Қозоғистонда коронавирус билан касалланган шифокорларга товон пули тўлаш бошланди

NUR-SULTAN. Kazinform – Қозоғистон Республикаси Меҳнат ва аҳолини ижтимоий ҳимоя қилиш вазири Биржан Нуримбетов КВИ юқтирган тиббиёт ходимларига товон пули тўлаш масаласига изоҳ берди, деб хабар беради Kazinform мухбири.

«Бугунги кунга қадар вилоят соғлиқни сақлаш бошқармаларига олтита ҳудуддан 123 та мурожаат келиб тушди. Қоидаларга мувофиқ, биз уч иш куни ичида, яъни ижтимоий суғурта жамғармасидан ушбу одамларга 2 миллион танга товон пули тўлаймиз. Пуллар ушбу аризаларда кўрсатилган реквизитлар, ҳисоб рақамларига йўналтирилади», - деди Биржан Нуримбетов.

Шунингдек, у вафот этган тиббиёт ходимларининг оилаларига бериладиган товон пулини олиш учун ҳали ариза келиб тушмаганлигини таъкидлади.

«Ҳозирча улар учун ҳеч қандай ариза тақдим этилмаган», - деди Биржан Нуримбетов.

Таъкидланишича, коронавирус билан касалланган шифокорлар 2 миллион танга (ЎР Марказий банки белгилаган 2020 йил 16 июль кунги расмий курсга кўра, 49 миллион 320 минг 000 сўм – Таҳр.), вафот этган шифокорларнинг оилалари эса 10 миллион танга (246 миллион 600 минг 000 сўм) миқдорида компенсация олишади.

Муаллиф: Серик Сабеков