ASTANA. Kazinform – Қозоғистонда ўқитувчиларнинг касб байрами – Ўқитувчилар куни энди 5 октябр куни нишонланади. Бу ҳақда Қозоғистон Республикаси Ҳукумати тегишли қарор қабул қилди, дея хабар беради Kazinform.
Ҳукумат расмий сайтида эълон қилинган маълумотларга кўра, давлат байрамлари рўйхатига кўра, Ўқитувчилар куни октябр ойининг биринчи якшанбасида нишонланиб келган. Эндиликда бу байрам 5 октябр куни 100 дан ортиқ мамлакатлар томонидан нишонланадиган Бутунжаҳон ўқитувчилар куни билан уйғунлаштирилди.
Ўқитувчилар куни - таълим соҳасидаги барча ходимлар учун умумий касб байрамидир. Шу куни ўқитувчилар жамоасининг жамият тараққиётидаги ўрни ва меҳнати, бунга қўшган улкан ҳиссаси нишонланади.
Таълим-маъориф вазирлиги маълумотларига кўра, бугунги кунда Қозоғистондаги мактабгача таълим, ўрта, техник ва касб-ҳунар таълим муассасаларида 556 минг нафар ўқитувчи меҳнат қилмоқда.