Қозоғистонда КХШТ ўқув машғулотлари бўлиб ўтмоқда

ASTANA. Kazinform – Коллектив Хавфсизлик Шартномаси Ташкилотига аъзо давлатларнинг разведка идоралари ва бўлимлари «Қидирув-2022» махсус ўқув машғулотларида иштирок этмоқда, дея хабар беради Kazinform ҚР Мудофаа вазирлиги матбуот хизматига таяниб.

Қўшма машғулотлар Жамбил вилоятидаги «Матибулақ» ва «Гвардейск» полигонларида бўлиб ўтмоқда.

«Қидирув-2022» ўқув машғулотлари мақсадига кўра, бошқарув органлари ва контингент бўлинмалари КХШТ Коллектив хавфсизлик минтақасидаги қуролли можароларни тўхтатиш бўйича ҳаракатларни ишлаб чиқади.

Машғулотлар давомида Тезкор ҳаракат коллектив кучларини гуруҳлаш ва қўшма ҳаракатларга тайёргарлик кўриш тез ўзгарувчан вазиятни ҳисобга олган ҳолда, узлуксиз разведка ҳам ташкил этилди.

КХШТ коллектив тезкор кучлари қўмондони томонидан қабул қилинган қарорни бажаришда скаутларга махсус разведка воситаларидан фойдаланган ҳолда, рақибнинг кучларини аниқлаш вазифаси юкланади.

Махсус ўқув машғулотларини ўтказишдан мақсад бошқарув органларининг ўзаро ҳамкорлигини такомиллаштириш, соҳага оид билимлар даражасини ошириш, разведка бўлинмалари фаолиятини тезкорлик билан мувофиқлаштиришдан иборат.