Қозоғистонда келгуси йилда 1-синфдан бошлаб «Рақамли саводхонлик» фани ўқитилади

NUR-SULTAN. Kazinform – Қозоғистонда мактаб ўқувчилари 2021 йилдан 1-синфдан бошлаб «Рақамли саводхонлик» фанини ўрганадилар, дея хабар беради Kazinform мухбири.

«2013 йилгача ўрта мактабларда ахборот технологиялари фани 7-синфдан бошланган ва эски таркибдан иборат эди. Кейин 5-синфга юборишди. Бироқ, ушбу дастурларнинг аксарияти компьютердан фойдаланиш ва офис дастурлари каби оддий кўникмаларни тақдим этди ва зарур янгиланишни талаб қилди. Шунинг учун 2021 йилдан бошлаб «Рақамли саводхонлик» фани 1-синфдан бошлаб жорий этилади. Болалар алгоритмларни, ахборот гигиенаси ва хавфсизлигини, Scratch кодлаш тилини ўрганадилар. STEM, 3Д-принтинг, робототехника асосларини эгаллайди», - деди Асхат Аймағамбетов Ҳукумат йиғилишида.

Вазирнинг сўзларига кўра, ўқувчилар IOS, Android операцион тизимлари ва Python, С++ каби дастурлаш тилларини ҳам ўрганади.

«Шу мақсадда мамлакатимизнинг вилоят марказларида 25 янги махсус IT-лицейлар очилди. 447 STEM лабораторияси ва 2000га яқин робототехника хоналари мавжуд», - деди у.