Қозоғистонда қайси давлат фуқаролари хусусий тадбиркорлик билан шуғулланиши мумкин

NUR-SULTAN. Кazinform - Қозоғистон Республикасида яшаш учун рухсатномага эга бўлган Россия Федерацияси, Тожикистон, Қирғизистон, Беларусь ва Арманистон фуқаролари мамлакат ҳудудида тадбиркорлик фаолиятини амалга оширишлари мумкин, деб хабар беради Кazinform.

Давлат даромадлари қўмитаси маълумотларига кўра, 2017 йил 1 январдан бошлаб хусусий тадбиркор сифатида рўйхатдан ўтиш хабар бериш тартибига ўтказилди. Яъни, жисмоний шахс хусусий тадбиркор сифатида рўйхатдан ўтиш учун давлат даромадлари органига хусусий тадбиркор сифатида ўз фаолиятини бошлаганлиги тўғрисида хабарнома тақдим этади.

«Хизмат ишга туширилганлиги тўғрисидаги эълонни eGov.kz портали, «е-Salyq buziness» мобил иловаси, иккинчи даражали банкларнинг мобил иловалари орқали юбориш мумкин. Шунингдек, давлат даромадлари органларининг Хизмат кўрсатиш марказларида қоғоз хабарнома юбориш мумкин. Рўйхатдан ўтиш хабарнома олинган кундан бошлаб бир иш куни ичида амалга оширилади. Хусусий тадбиркор сифатида рўйхатдан ўтиш тўғрисидаги маълумотларни www.kgd.gov.kz порталидаги электрон хизматлардан «Солиқ тўловчини қидириш» тугмаси ёрдамида олиш мумкин, дея хабар беради қўмита.

2014 йил 29 майдаги Евроосиё иқтисодий иттифоқи тўғрисидаги шартномага кўра, Қозоғистон Республикаси ҳудудида доимий яшовчи Қозоғистон фуқаролари, яъни Қозоғистон Республикасида яшаш учун рухсатномага эга бўлган фуқаролар, шунингдек, ватандошлар, Россия Федерацияси, Тожикистон, Қирғизистон, Беларусь ва Арманистон норезидентлари хусусий тадбиркор сифатида фаолият юритиши мумкин.

Эслатиб ўтамиз, 2021 йил 1 январдан бошлаб норезидент жисмоний шахсларни, чет элликлар ва фуқаролиги бўлмаган шахсларни рўйхатга олиш, шу жумладан ШИРни шакллантириш, рўйхатга олиш маълумотларига ўзгартириш ёки қўшимчалар киритиш, шунингдек, жисмоний шахсларнинг ШИР олиш функциялари Давлат даромадлар қўмитасидан Ички ишлар вазирлигига ўтказилди.