Қозоғистонда кўмир ташийдиган вагонлар сони 16 мингтага етказилди

NUR-SULTAN. Кazinform - Ҳудудлар аҳолисини кўмир билан таъминлаш учун вагонлар сони 16 мингтага етказилди. Бу ҳақда Қозоғистон Бош вазири ўринбосари Роман Скляр депутатлар саволига жавобан маълум қилди, деб хабар беради Kazinform мухбири.

«Қозоғистон темир йўли» АЖ томонидан юк жўнатувчиларни вагонлар билан таъминлаш бўйича бир қатор тезкор чора-тадбирлар амалга оширилди. Хусусан, кўмир ташишга жалб қилинган очиқ вагонлар сони кўпайтирилди. Айни пайтда очиқ вагонлар сони 13 мингдан 16 мингтага кўпайтирилди», — деди Роман Скляр Мажилис депутатлари саволига жавобан.

Шунингдек, у кўмир ташишда қўшни темир йўл бошқармаларининг очиқ вагонларидан фойдаланилганини таъкидлади.

«Қазтемиртранс» АЖ очиқ вагонларига бошқа номенклатура юклари ва экспорт юкларини ортиш чекланди. Иссиқлик электр станцияларига жўнатиш кунлик назорат остида. Айланма йўналишлар ташкил этилди. Ҳаракатланувчи таркиб билан таъминланмоқда», — деди Бош вазир ўринбосари.

Муаллиф: Марлан Жиембай