Қозоғистонда кўчмас мулкни рўйхатга олиш жараёнлари рақамлаштирилади

NUR-SULTAN. Kazinform - «Фуқаролар учун ҳукумат» нотижорат акциядорлик жамияти йил охиригача кўчмас мулкни рўйхатга олиш билан боғлиқ барча жараёнларни рақамлаштириш ниятида. Бу ҳақда АЖ раисининг биринчи ўринбосари Суйениш Aбдилдин Astana Hub платформасида ўтган брифингда маълум қилди, дея хабар беради Kazinform мухбири.

«Аҳолига хизмат кўрсатиш марказларига кўп одамлар келади. Энг оммабоп хизматлардан бири кўчмас мулкни рўйхатга олиш билан боғлиқ. Жорий йилнинг 9 ойи якунларига кўра, 1 миллион 600 мингдан ортиқ рўйхатга олиш ишлари амалга оширилди. Улар ҳар бир процедурани рўйхатдан ўтказиш учун бир неча марта келишади. Буларнинг барчаси марказларимиз иш юкини оширади. Ушбу муаммони ҳал қилиш учун биз блокчейн технологиясидан фойдаланган ҳолда рақамли инфратузилмани қуришни бошладик. Бу бизга ишончли маълумотларни алмашиш имконини беради. Биз уни биринчи навбатда ипотека хизматига киритдик. Сентябр ойида Отбаси Банк бу жараёнга қўшилди ва ипотекани онлайн расмийлаштира бошлади. Ҳозир эса бошқа банклар бу тажрибани бирлаштирмоқда»,- деди «Фуқаролар учун ҳукумат» вакили.

Унга кўра, йил охиригача кўчмас мулкни рўйхатга олиш жараёнлари рақамлаштирилади.

«Мижоз ипотекани тўлиқ тўлаганида, у банкка бориб, ипотека тўлиқ қайтарилганлиги тўғрисидаги ҳужжатни олиши, кейин эса АХКМ ёки нотариусга мурожаат қилиб, квартирани гаровдан чиқариши керак. Бу жараён энди онлайн тарзда амалга оширилиши мумкин. Банкдан олинган маълумотларга кўра, биз ипотека қарзи тўлиқ тўланган уйни автоматик тарзда гаровдан чиқарамиз», — деди Суйениш Aбдилдин.

Муаллиф: Есимжан Нақтибай