Қозоғистонда ишчи кучи етишмаётган ҳудудларга кўчиб келган ёшларнинг 76 фоизи иш билан таъминланди

NUR-SULTAN. Kazinform – Қозоғистонда «Меҳнат дастури» орқали ишчи кучи етишмаётган ҳудудларга кўчиб келган ёшларнинг 76 фоизи доимий иш билан таъминланди, деб хабар беради Kazinform мухбири.

«Маҳаллий ҳокимият маълумотларига кўра, 2017 йилдан буён кўчиб келган 26,6 минг кишидан 515 нафари аввалги ҳудудларига кўчиб кетган. Ва жойлаштирилган фуқаролар орасида меҳнатга лаёқатли 14,1 минг киши, 11,8 минг 18 ёшгача бўлган болалар ва 686 нафақахўр мавжуд», - дейилади вазирлик хабарида.

Агентлик маълумотларига кўра, меҳнатга лаёқатли 14,1 минг кишидан 10,4 минг нафари иш билан таъминланган. Бундан ташқари, 89 кишига ўз бизнесини ривожлантиришни қўллаб-қувватлаш учун микрокредитлар берилди ва 173 кишига давлат гранти берилди. Бу меҳнатга лаёқатли аҳолининг 76 фоизини ташкил қилади.

«Ишсизларнинг 4 минг нафари туғруқ таътилида бўлган оналар, қолганлари ногиронлар, уй бекалари ва бошқалар», - дейилади хабарда.

Муаллиф: Есимжан Нақтибай