Қозоғистонда ишбилармонлик фаоллиги кўрсаткичи ошди

ALMATY. Kazinform – Қозоғистон Миллий банки молия-кредит тизими департаменти директори Жандос Шаймардановнинг таъкидлашича, февраль ойида ишбилармонлик фаоллиги индекси 0,6 пунктга ўсиб, 49 тани ташкил қилди, деб хабар беради Kazinform мухбири.

Хизмат кўрсатиш соҳасидаги ишбилармонлик фаоллиги индекси январь ойидаги 47,4 дан февралда 49,2 га кўтарилди. Қурилиш соҳасида январь ойида 51,1 дан 47,4 га камайди. Саноатда 49,4 дан 49 гача камайди.

«Февраль ойида Шимолий Қозоғистон вилояти (54,0), Нур-Султан шаҳрида (52,2) ва Туркистон вилоятида (42,6) ишбилармонлик фаоллиги ошди. Бундан ташқари, ўтган ой корхоналарда ишбилармонлик фаоллиги ошди. Инфратузилма, молия ва кредитдан фойдаланиш, шунингдек, бизнесни ҳимоя қилиш яхшиланди. Бироқ, бизнесга салбий таъсир кўрсатадиган маҳсулот ва хизматларга солиқ юки бир хил бўлиб қолмоқда», - деди Жандос Шаймарданов.

Кейинги 6 ой давомида хизмат кўрсатиш кўрсаткичи 24 га тенг бўлиши мумкин. Ишбилармонлик муҳити индекси январь ойида 6,9, февралда 11,9 ни ташкил этди.

Сўровномада жами 457 та корхона қатнашди: 66 таси қурилиш соҳасида, 175 таси саноат соҳасида ва 216 таси хизмат кўрсатиш соҳасида.

Муаллиф: Гулмира Ғосманали