Қозоғистонда имтиёзли автокредитлар бериш бошланди
16 Май 11:27

Қозоғистонда имтиёзли автокредитлар бериш бошланди

NUR-SULTAN. Кazinform – Қозоғистонда имтиёзли автокредитлар бериш бошланди. Имтиёзли автокредитлар бир кишига икки йилда икки марта берилмайди, деб хабар беради Кazinform.

Хусусий автопаркни янгилашни рағбатлантириш мақсадида Қозоғистон Республикаси фуқароларига имтиёзли кредитлар асосида енгил автомобиллар сотиб олиш, шунингдек, «Жасыл Даму» АЖ маблағлари ҳисобидан автобуслар паркини янгилаш дастури ишлаб чиқилди.

Имтиёзли кредит дастури бўйича жами молиялаштириш ҳажми қарийб 100 миллиард тенге ва Қозоғистон вилоятларида автобус паркини модернизация қилиш учун қарийб 30 миллиард тенгени ташкил этади.

ҚР Индустрия ва инфратузилмаларни ривожлантириш вазирлиги маълумотларига кўра, аҳолига автокредитлар қуйидаги шартларда берилади:

- фоиз ставкаси 4%;

- кредит суммаси 10 000 000 тенгедан ошмаслиги керак;

- молиялаштириш муддати 7 йилдан ошмайди;

- дастлабки тўлов 0%;

- транспорт нархи 15 000 000 тенгедан ошмаслиги керак.

Кредит бериш иккинчи даражали банклар томонидан амалга оширилади.

Молиялаштиришнинг шаффофлигини таъминлаш мақсадида иккинчи даражали банклар якуний қарз олувчига молиялаштиришни тақдим этиш муддатларига риоя этилишини назорат қилишнинг автоматлаштирилган тизимига эга бўлиши керак.

Бундан ташқари, ҳар икки йилда бир мартадан кўп бўлмаган якуний қарз олувчини молиялаштириш бўйича чекловлар мавжуд.

Лизинг олувчилар учун автобусларни сотиб олиш шартлари қуйидагилардан иборат:

- фоиз ставкаси 0,01%;

- лизинг муддати –7 йилгача;

- дастлабки тўлов 0%;

Имтиёзли автокредитлар кўринишидаги қўллаб-қувватлашдан ташқари, давлат томонидан имтиёзли сертификатларнинг амал қилишини таъминлаш бўйича чора-тадбирлар ишлаб чиқилмоқда.

Эслатиб ўтамиз, аввалроқ Ҳукумат томонидан имтиёзли автомобил кредити дастури тасдиқланган эди .

Ўтган ҳафта бош вазирнинг биринчи ўринбосари Роман Скляр 16 майдан бошлаб банклар имтиёзли автокредит олиш учун аризаларни қабул қилишни бошлашини маълум қилган эди .


Янгиликлар

Архив