Қозоғистонда илк бор МДҲ давлатларининг армия ўйинлари ўтказилди

ALMATY. Кazinform - Алмати шаҳрида Ҳамдўстлик Мудофаа вазирлари кенгашининг 30 йиллигига бағишланган МДҲга аъзо давлатлар Қуролли кучларининг III Ҳарбий спорт ўйинлари якунланди. Бу ҳақда Kazinform ҚР Мудофаа вазирлиги матбуот хизматига таяниб хабар беради.

Қозоғистон Мудофаа вазирлиги марказий спорт клуби майдонларида яқин хорижнинг етти давлатидан келган 250 нафардан ортиқ спортчи ҳарбий спортнинг беш тури бўйича кўпкураш бўйича чемпионлик учун куч синашди. Ҳарбий хизматчилар армиянинг қўл жанги, оддий қуролдан ўқ отиш, ҳарбийлаштирилган кросс, офицер триатлони ва гир кўтариш бўйича баҳслашди.

– МДҲ ҳарбий спортчиларининг ўйинлари мамлакатимизда илк бор ўтказилди. Режага кўра, у 2020 йилда бўлиб ўтиши керак эди, аммо пандемия сабабли кейинга қолдиришга тўғри келди. Мусобақалар юқори савияда ўтди ва спорт руҳи, армия дўстлиги, ҳалол кураш ғояларига садоқат ғалабасини намоён этди. Ҳакамлар штаби имкон қадар холис ва профессионал тарзда ҳаракат қилишди», — деди спорт қўмитаси раиси, ҚР Мудофаа вазирлиги марказий спорт клуби раҳбари, Олимпия ўйинлари чемпиони, хизмат кўрсатган спорт устаси Ольга Шишигина.

Россия Қуролли Кучлари жамоаси жамоавий чемпионатда ғолиб чиқди. Иккинчи ўринда - Ўзбекистон ҳарбий спортчилари, учинчи ўринда - Қозоғистон армия жамоаси.

МДҲ армияларининг биринчи ва иккинчи ҳарбий спорт ўйинлари мос равишда 2015 ва 2017 йилларда Россия ва Қирғизистонда ўтказилган. Тўртинчи ўйинлар Ўзбекистонда бўлиб ўтади.

Фото: www.gov.kz