Қозоғистонда илк бор 3D технологияси ёрдамида тос суягини реконструкция қилиш амалга оширилди

29 Сентябрь, 16:24
Қозоғистонда илк бор 3D технологияси ёрдамида тос суягини реконструкция қилиш амалга оширилди

ASTANA. Кazinform - Қозоғистонда биринчи марта онкожарроҳлар тос суягини 3D технологияси ёрдамида реконструкция қилиш бўйича операция ўтказди, дея хабар беради Кazinform ҚР Соғлиқни сақлаш вазирлиги матбуот хизматига таяниб.

Ноёб операция Қозоғистон Онкология ва радиология илмий-тадқиқот институтининг Суяк, юмшоқ тўқималар ўсмалари ва меланомалар маркази базасида амалга оширилди.

Бемор 23 ёшли йигит бўлиб, унга ходросаркома ташхиси қўйилган.

«Беморга ҚР Онкология ва радиология илмий-тадқиқот институти интизомлараро шифокорлар гуруҳи маслаҳат берди, бундай патология бизнинг Суяк, юмшоқ тўқималар ўсмалари ва меланомалар марказида илгари ҳам учраган. Илгари, бундай ҳолларда жарроҳлар тос суякларининг зарарланган қисмини олиб ташлашлари керак эди. Бу тос ҳалқасининг яхлитлигини бузади, бу юришнинг бузилишига, умуртқа поғонасининг эгрилигига олиб келади. Марказ жарроҳлари беморнинг ёшлигини инобатга олиб, нафақат ўсимтани олиб ташлаш, балки беморнинг ҳаёт сифатини сақлаб қолишни ҳам ўз олдига мақсад қилиб қўйган», — дейди Суяк, юмшоқ тўқималар ўсмалари меланома маркази раҳбари Ғани Серикбоев.

Ушбу лойиҳани амалга ошириш учун Хитойнинг Cоln3d компанияси билан узоқ муддатли меморандум тузилди. Беморнинг компютер томографияси маълумотлари Гонконгга юборилди ва 3D-босма орқали кобалт-хром қотишмасидан махсус протез ясалди.

2022 йил сентябр ойида ҚР Онкология ва радиология илмий- тадқиқот институтида беморнинг ёнбош тос қаноти, шунингдек ўсимтадан зарарланган юмшоқ тўқималар олиб ташланди.

Кейинчалик, онкожарроҳлар тос суякларини тос ҳалқасини тиклаш учун 3D технологиясидан фойдаланган ҳолда яратилган индивидуал эндопротез ёрдамида реконструкция қилишди.

Операциядан кейинги давр асоратларсиз ўтади, бемор операциядан кейинги бешинчи куни фаоллашади.


Ўхшаш янгиликлар

Янгиликлар