Қозоғистонда икки ой ичида 133,6 млрд тенгелик автомобиллар ишлаб чиқарилди

NUR-SULTAN. Kazinform – Қозоғистонда автомобиллар ишлаб чиқариш корхоналари январ ва феврал ойларида 133,6 миллиард тенгелик маҳсулот ишлаб чиқарди. Бу ҳақда ҚР Миллий иқтисодиёт вазири Алибек Қуантиров маълум қилди, деб хабар беради Kazinform мухбири Finprom.kzга таяниб.

«Қозоғистон автомобилсозлик саноати қишда 10 фоизга ўсди. Йил охирида ўсиш 24% ни ташкил этди. Мамлакатда ва бутун дунёда юзага келиши мумкин бўлган инқироз белгиларига қарамай, саноат сўнгги йиллардаги ижобий тенденцияни сақлаб қолди.

Йилнинг дастлабки икки ойи якунларига кўра, Қозоғистон иқтисодиётининг ўсиш суръати 3,5 фоизгача тезлашди. Миллий иқтисодиёт вазири Алибек Қуантиров машинасозлик маҳсулотлари ишлаб чиқариш 9,2 фоизга, жумладан, автомобил ишлаб чиқариш 10,2 фоизга ўсганини таъкидлади.

Портал маълумотларига кўра, йилнинг икки ойида тармоқда 133,6 миллиард тенге маҳсулот ишлаб чиқарилган. Бир йил аввал бу кўрсаткич 93,5 миллиард тенге эди.

«Бу Қозоғистоннинг машина ишлаб чиқариш сегментидаги умумий маҳсулотнинг 38,4 фоизини ташкил этади. Таққослаш учун, 2021 йилда бу кўрсаткич 32,1 фоизни ташкил этган эди. Беш йил олдин у атиги 9,9% эди. Машинасозлик соҳасининг ишлаб чиқариш саноатидаги улуши 2021 йилда 14 фоизни ташкил этган бўлса, беш йил аввал бу кўрсаткич бор-йўғи 9,4 фоизни ташкил этган эди», - деб ёзади Finprom.kz.

Муаллиф: Есимжан Нақтибай