Қозоғистонда ID-карталар эгасига қандай имкониятлар беради

NUR-SULTAN. Kazinform – ҚР Меҳнат ва аҳолини ижтимоий ҳимоя қилиш вазирлиги Қозоғистоннинг барча вилоятларида ижтимоий ID-карталарни жорий этиш бўйича вилоят ва республика аҳамиятига эга шаҳарлар ҳокимликлари билан конференция ўтказди, дея хабар беради Kazinform мухбири.

Вазирлик маълумотларига кўра, бугунги кунда Ақтўбе, Нур-Султан ва Алмати шаҳрида ижтимоий карталар жорий этилди. Улар эгасига йўл ҳақини тўлаш, манзилли ижтимоий ёрдам, кафолатланган ижтимоий нафақалар ва бошқа турдаги ижтимоий хизматларни олиш имконини беради.

Хусусан, Ақтўбе шаҳрида «Казпост» банк картаси асосида 40 мингдан ортиқ ижтимоий карталар чиқарилган. Олти ой ичида пул айланмаси 841 миллион тангани ташкил қилди. Карта эгалари мактаб ошхоналарида овқатланиш ва овқатланиш учун ҳақ тўлашлари ва бепул рецепт бўйича дори-дармон олишлари мумкин.

Astra ягона транспорт картаси Нур-Султанда амал қилади. 1,5 миллион картадан 120 минги талабалар учун, 135 минг нафари фуқароларнинг имтиёзли тоифалари томонидан ишлатилмоқда. Ойлик ўртача пул айланмаси 1,5 миллиард тангани ташкил қилади. Ягона мактаб картасидан фойдаланган ҳолда ўқувчилар овқатлангани учун Bala pay және Feeb me электрон тизимлари орқали тўлашлари мумкин.

Алматида тизим Онай транспорт карточкаси асосида ишлайди. Чиқарилган 2,9 миллион картадан 333 минг нафари мактаб ўқувчиларига, 422 минг нафари ўқувчиларга ва 241 минг нафари имтиёз эгаларига тегишлидир. Улар бўйича ўртача ойлик пул айланмаси 2 миллиард тангани ташкил қилади. «Онай» карталари эгалари жамоат транспорти, музейлар, кутубхоналар, кинотеатрларга чипта сотиб олишлари ва маданий тадбирларда иштирок этишлари мумкин. Алматида мактаб ошхоналарида тўлаш имкониятини жорий этиш режалаштирилган.

Қозоғистон Республикаси Меҳнат ва аҳолини ижтимоий муҳофаза қилиш вазирининг ўринбосари Ерлан Аукеновнинг сўзларига кўра, ID-карталарнинг имкониятлари янада кенгайтирилади. Асосан фахрийлар, нафақахўрлар, ногиронлар, кам таъминланган ва кўп болали оилалар фарзандларига имкониятлар яратиш кўзда тутилмоқда. Етказиб берувчиларни ҳокимиятлар ўзлари танлайдилар.

Жаҳон амалиётида ижтимоий ID-карталар қатор мамлакатларда қўлланилади. Масалан, Австрия, Эстония, Малайзия, Италия ва Россияда одамлар ижтимоий тўловлар ва махсус пластик карталар орқали нафақа олишади.

Муаллиф: Руслан Ғаббасов