Қозоғистонда хориждан олиб келинган 100 минг автомобиль қонунийлаштирилди
11:30, 27 Апрел 2023
ASTANА. Кazinform – Ички ишлар вазирлиги 2022 йил 1 сентябргача мамлакатга олиб келинган хорижий автомобилларни қонунийлаштиришни давом эттирмоқда, деб хабар беради Polisia.kz.
– 23 январдан бугунги кунга қадар дастлабки онлайн текширувлар якунланиб, 200 мингга яқин автомобиль эгаларининг аризалари маъқулланди, жумладан, 100 мингдан ортиқ автотранспорт воситалари қонунийлаштирилди. Шу билан бирга, Ички ишлар вазирлиги томонидан хориждан эҳтиёт қисмлар сифатида олиб кирилаётган автомобилларни қонунийлаштириш шартларини белгиловчи Ҳукумат қарори лойиҳаси ишлаб чиқилди. Лойиҳа Ҳукуматга тақдим этилади ва келгуси ҳафта имзоланиши кутилмоқда. Ҳукумат қарори имзолангандан сўнг у биринчи марта расмий эълон қилинганидан кейин 10 кун ўтиб амалга оширилади, шундан сўнг автоконструкторларни рўйхатга олишни бошлаймиз, – дейди ҚР ИИВ Маъмурий полиция қўмитаси раиси Қайсар Султанбаев.