Қозоғистонда фармацевтика саноатида ишлаб чиқариш 40 фоизга ошди

NUR-SULTAN. Kazinform – ҚР Индустрия ва инфратузилмани ривожлантириш вазири Бейбит Атамқулов иқтисодий ўсиш йўналишлари ҳақида маълумот берди, деб хабар беради Kazinform мухбири.

«Янги шароитларга мослашиш ва янги ишлаб чиқаришларни ташкил этиш ҳисобига фармацевтика саноатида ишлаб чиқариш 39,7 фоизга ошди. Енгил саноатда ишлаб чиқариш 16,4 фоизга ўсди. Бу тўқимачилик маҳсулотларини 4,4 фоизга, кийим-кечак 1,4 фоизга ва чарм маҳсулотлари 160,3 фоизга кўпайтириш билан боғлиқ», - деди Бейбит Атамқулов Ҳукумат йиғилишида.

Бундан ташқари, Қозоғистонда қоғоз ва қоғоз маҳсулотлари ишлаб чиқариш ўсиши 15 фоизни ташкил этди. Ёғоч ва тиқин маҳсулотларини ишлаб чиқариш 52,6 фоизга ўсди.

«Машинасозлик саноати жорий йилнинг 10 ойида барқарор ўсишни сақлаб қолди. 10 ой давомида саноатнинг жисмоний ҳажми индекси 116,5% ни ташкил этди. Автотранспорт воситалари, трейлерлар ва ярим тиркамалар ишлаб чиқариш 53,6% га, бошқа транспорт воситалари - 87% га, электр жиҳозлари - 3,0% га, машиналар ва ускуналар - 4,3% га ўсди», - деди у.

Муаллиф: Аян Бекенўғли