Қозоғистонда фармацевтика саноати тез ривожланмоқда

NUR-SULTAN. Kazinform – 2020 йилнинг 11 ойи давомида Қозоғистонда 125 миллиард тенге миқдорида фармацевтика маҳсулотлари ишлаб чиқарилди. Ушбу маълумот Қозоғистон ҚР Индустрия ва инфратузилмаларни ривожлантириш вазирлиги томонидан тақдим этилди, деб хабар беради Kazinform мухбири.

«2020 йил январь-ноябрь ойларида фармацевтика маҳсулотларини ишлаб чиқариш 2019 йилнинг шу даврига нисбатан 45 фоизга ўсди ва 125 миллиард тенгени ташкил этди. Кўриб чиқилаётган даврда фармацевтика маҳсулотларининг ҳақиқий ҳажм индекси 139,5% ни ташкил этди. Ишлаб чиқаришнинг ижобий ўсиши коронавирус инфекциясининг олдини олиш ва уларга қарши курашиш билан боғлиқ фармацевтика маҳсулотларига талабнинг ошиши, шунингдек, 2020 йилда «Қарағанди фармацевтика мажмуаси» МЧЖда унутувчанлик, саратон ва диабет касаллигини даволаш учун дори воситалари ишлаб чиқариш ҳажми ортганлиги билан боғлиқ», - дейилади вазирликнинг хабарида.

Агентликнинг таъкидлашича, маҳаллий тиббий ишлаб чиқарувчиларнинг бепул тиббий ёрдамнинг кафолатланган ҳажми доирасидаги харидларда иштирок этиши ва дори воситалари ва тиббий буюмларни етказиб бериш бўйича 7-10 йиллик узоқ муддатли шартнома тузилиши ҳам Қозоғистон фармацевтика саноати учун катта ёрдам бўлди. Бугунги кунга қадар 36 та маҳаллий ишлаб чиқарувчилар билан 5014 номдаги дори воситалари ва тиббий буюмларни етказиб бериш бўйича 88 та узоқ муддатли шартномалар имзоланди. Улар орасида 996 та дори-дармон ва 4018 та тиббий буюмлар мавжуд.

Муаллиф: Марлан Жиембай