Қозоғистонда фанни молиялаштириш кўлами 70 фоизга ошди

ASTANA. Kazinform - Маҳаллий илм-фан соҳасида янги турдаги танловлар ва грантлар жорий этилди. Бу ҳақда Қозоғистон Республикаси Фан ва олий таълим вазирлиги фан қўмитаси раиси Дархан Ахмед-Заки маълум қилди, дея хабар беради Kazinform мухбири.

«Сўнгги уч йилда фанни молиялаштириш кўлами 70 фоизга ошди. Агар илгари грант ва мақсадли молиялаштириш бўйича танловлар ҳар уч йилда бир марта эълон қилинган бўлса, энди тендерлар ҳар йили ўтказилади. Грантларнинг янги турлари жорий этилди. Хусусан, ёш олимлар учун, ҳамкорлик учун қисқа муддатли, индивидуал грантлар мавжуд. Мақсадли молиялаштириш фақат аниқ илмий-техникавий вазифаларни ҳал қилиш учун ажратилади»

, — деди Дархан Ахмед-Заки.

Шунингдек, қўмита раҳбари миллий кенгашлар фаолиятига нисбатан катта танқидлар борлигини таъкидлади.

«Миллий кенгашдаги қарорлар яширинча, ёпиқ эшиклар ортида қабул қилинарди. Шу муносабат билан миллий илмий кенгашлар иш формати ўзгарди. Ҳозирда етакчи олимлар танлаб олиниб, кенгаш таркиби 85 фоизга янгиланди. Кенгаш мажлисларининг онлайн форматида аниқ мезонлар бўйича лойиҳаларни молиялаштириш учун очиқ овоз бериш тизими жорий этилди»

, — деди у.

Муаллиф: Даулет Изтилеу