Қозоғистонда давлат вазифаларига масъул шахсларнинг яширин даромадларини аниқлаш механизмлари такомиллаштирилди

ASTANA. Kazinform - Бугун Сенатнинг ялпи мажлисида «Қозоғистон Республикасининг айрим қонун ҳужжатларига коррупцияга қарши курашиш ва давлат муҳофазасига олиниши лозим бўлган шахслар хавфсизлигини таъминлаш масалалари бўйича ўзгартиш ва қўшимчалар киритиш тўғрисида»ги қонун кўриб чиқилди ва икки ўқишда қабул қилинди, деб хабар беради Kazinform мухбири.

Мазкур ҳужжат қонунчиликни янада такомиллаштириш ва илғор халқаро стандартлар асосида коррупциянинг олдини олиш воситаларини жорий этиш орқали коррупцияга қарши курашишнинг самарали тизимини шакллантиришга қаратилган. Қонун лойиҳасида 11 та қонун ҳужжатларига, жумладан, 3 та кодекс ва 8 та қонунга ўзгартиш ва қўшимчалар киритилган.

Қонун лойиҳасининг асосий вазифалари давлат функцияларини бажаришга ваколатли ва уларга тенглаштирилган шахсларнинг асоссиз бойиб кетишининг олдини олиш чора-тадбирлари орқали коррупция кўринишларини минималлаштириш, шунингдек, коррупция фактлари тўғрисида хабар берган шахсларни, шу жумладан, уларнинг ҳуқуқларини, меҳнат ҳуқуқлари ва тақдим этилган маълумотларнинг махфийлигини кафолатлаш ҳимоя қилишдан иборат.

Муаллиф: Руслан Ғаббасов