Қозоғистонда чет элликлар олиб кирган автомобилларни мамлакатдан чиқариш муддати 30 сентябргача узайтирилди
«Ички ишлар вазирлигига давлат даромад органлари томонидан хорижий автомобилларнинг мамлакатдан чиқарилиши тўғрисида тақдим этилган маълумотлар бўйича тегишли сўровлар келмоқда. Божхона қонунчилигига биноан, чет эл фуқаролари Қозоғистонга ва ЕОИИнинг бошқа мамлакатларига божхона тўловларини тўламасдан вақтинча автомобил олиб кириши мумкин. Яъни, бу машиналар ЕОИИдан ташқаридаги бошқа мамлакатларда рўйхатдан ўтган. Бу нафақат Россия, Қирғизистон, Арманистон ва Беларусдан, балки бошқа учинчи давлатлардан олиб келинган машиналарга ҳам тегишли «, - деди С. Тусупов онлайн брифингда.
Унинг сўзларига кўра, бу имкониятдан асосан Қозоғистонда ишлайдиган чет элликлар фойдаланади.
»2020 ва бу йил (коронавирус туфайли), мамлакатлар ўртасидаги чегаралар ёпилди, шунинг учун чет элликлар ўз машиналарини ЕОИИдан олиб чиқа олмадилар. Шу муносабат билан, Евроосиё иқтисодий комиссияси кенгаши чет элликларга тегишли бўлган транспорт воситаларининг ЕОИИда бўлиш муддатини 2021 йил 30 сентябргача узайтирди»,-дея тушунтирди матбуот котиби.
Шунингдек, у Қозоғистонда чет элликлар томонидан олиб кирилган 3 мингга яқин автомобил борлигини айтди.
«Давлат даромад органларининг маълумотларига кўра, мамлакатга олиб кирилган, ЕОИИга тегишли бўлмаган, 3000 га яқин хорижий автомобиллар бор. Қозоғистонда қолиш муддати тугагач, улар депортация қилиниши керак. Шу тариқа, ЕОИИга аъзо бўлмаган мамлакатлардан келган чет эллик фуыаролари учун 30 сентябргача вақт берилди «,-деди Серик Тусупов.
Муаллиф: Руслан Ғаббасов