Қозоғистонда чеклов чораларини енгиллаштиришнинг 2-босқичи тасдиқланди

NUR-SULTAN. Kazinform – ҚР Бош вазир ўринбосари Ерали Тоғжанов бошчилигидаги Идоралараро комиссия йиғилишида чеклов чораларини соддалаштиришнинг иккинчи босқичи маъқулланди, деб хабар беради Kazinform primeminister.kzга таяниб.

Соғлиқни сақлаш вазирлигининг маълумотларига кўра, чеклов чоралари мамлакатда COVID-19 юқтириш 10 баравар, тез ёрдам чақирувлари сонини 4,2 бараварга, касалхонага ётқизилиш сонини 80 фоизга камайтиришга имкон берди ва мобил гуруҳлар сони эса 7,6 баравар ўсиш ҳақида хабар берди.

Ижобий таъсирни инобатга олган ҳолда, идоралараро комиссия жорий йилнинг 31 августидан бошлаб қуйидаги иншоотларни тиклашга қарор қилди:

-диний объектлар (якка тартибда, жамоавий тадбирлар ўтказилмайди);

-бассейнлар (индивидуал шаклда, 1 киши учун 5 кв.м сув сатҳидан, белгиланган тартибда);

-спорт заллари (1 киши учун 5 кв.м, тайинланиш бўйича); спорт мажмуалари (якка ва гуруҳ машқлари учун 1 киши учун 5 кв.м);

-маданий объектлар (1 киши учун 5 кв.м, тўлиқлиги 50% ошмаслиги, 30 кишидан кўп бўлмаган, танаффус пайтида хоналарни вентиляция қилиш, ниқоб тақиш, камида 2 метр ижтимоий масофани сақлаш);

-Алоҳида муҳофаза этиладиган табиий ҳудудлар: давлат миллий табиат боғлари, қўриқхоналар ва бошқалар (индивидуал ва гуруҳлар 15 кишидан кўп бўлмаган, камида 2 метр ижтимоий масофани сақлаш, ниқоб тақиш);

-шаҳар атрофи йўловчи поездлари /электр поездлари, шаҳарлараро автобуслар/микроавтобусларга рухсат берилади.

«Барча имкониятлар фақат тегишли тайёргарлик актларини олгандан кейингина ишлашга рухсат берилади. Соғлиқни сақлаш вазирлиги билан биргаликда вилоят ҳокимиятлари, «Атамекен» Миллий ассоциацияси, жамоат фаолларини жалб қилган ҳолда, муассасаларнинг барча санитария талабларига қатъий риоя қилинишини таъминлаши керак», - деди Е. Тоғжанов.

Мажлис якунлари бўйича Бош вазир ўринбосари бир қатор аниқ кўрсатмалар берди.