Қозоғистонда бу йил қишлоқ мактаблари яна 515 та автобус билан таъминланади
17 Май 20:15

Қозоғистонда бу йил қишлоқ мактаблари яна 515 та автобус билан таъминланади

NUR-SULTAN. Кazinform – Болаларни ҳимоя қилиш куни доирасида қишлоқ мактаблари парки 515 та автобус билан таъминланади, деб хабар беради Kazinform.

Таълим ва фан вазирлигининг маълум қилишича, бу болаларни мактабга хавфсиз олиб бориш ва мактабга олиб келиш имконини беради. Аҳоли сийрак қишлоқларда, айниқса чекка мактабларда ўқувчи болалар автобуслар билан таъминланади.

«Болаларни автобуслар билан таъминлаш мақсадида кредитлар ҳокимликлар ўртасида тақсимланади. Вазирлик мактаб автобуслари билан қамраб олиш масаласини бир неча бор кўтарган. Жорий йилда транспорт билан таъминлаш масаласи республика миқёсида ҳал этилиб, автобуслар харид қилиш учун кредитлар ажратилди. Шунингдек, таълим муассасаларининг автобус ҳайдовчилари учун «Йўл» харитаси ишлаб чиқилган. Бугунги кунда 25 000 дан ортиқ ўқувчилар транспортга муҳтож. Бундан ташқари, Туркистон, Ақмола, Ғарбий Қозоғистон, Алмати, Павлодар ва бошқа вилоятларда транспорт зарурати кузатилади«, - дейилади баёнотда.

Бугунги кунда жами 1000 дан ортиқ мактаб автобуслари мавжуд. Кредит лизинг дастурига кўра, мамлакатда йиғилган автобуслар имтиёзли шартларда харид қилинади. Бу механизм умумтаълим мактабларининг бутун автобус паркини даврий янгилаш имконини беради.

«Болалар хавфсизлигини таъминлаш мақсадида вазирлик томонидан транспорт харид қилиш бўйича техник талаблар ишлаб чиқилиб, белгиланган. 20-40 автобус бўлиши керак, чунки қишлоқларда одам кам. Бундан ташқари, транспорт хавфсизлик камарлари билан болалар ўриндиқлари, болаларнинг кабинани тарк этишига тўсқинлик қилувчи болаларни ҳимоя қилиш тизими ва кабинанинг орқа қисмидан авария ҳолатида чиқиш билан жиҳозланиши керак. Шунингдек, болаларни мактаб автобусида ташишда мактаб директори томонидан тасдиқланган махсус ходим бўлиши ҳам муҳим», — дейилади хабарда.


Ўхшаш янгиликлар

Янгиликлар

Архив