Қозоғистонда бу йил 1,2 миллион киши иш билан таъминланади

NUR-SULTAN. Kazinform – ҚР Меҳнат ва аҳолини ижтимоий ҳимоя қилиш вазири Серик Шапкенов аҳоли бандлигини таъминлаш бўйича кўрилган чоралар тўғрисида ҳисобот берди, деб хабар беради Kazinform мухбири.

«Пандемияга қарамай, умуман меҳнат бозорининг асосий кўрсаткичлари барқарор бўлиб қолди. Сўнгги уч йил ичида ишчилар сони кўпайган. Шу билан бирга, меҳнат бозорининг асосий кўрсаткичи - ишсизлик даражаси 4,9 фоиз даражасида сақланиб қолди», - деди вазир ҳукумат йиғилишида.

2020 йил 2-чорагида вақтинча иш билан банд бўлганлар сони 4 бараварга ошди ва 536 минг кишини ташкил этди.

«Сайловолди платформасини амалга ошириш бўйича «Nur Otan» партиясининг вазифаларини ҳисобга олган ҳолда, бу йил биз иш билан таъминлаш орқали 1,2 миллион кишини қўллаб-қувватлашни режалаштирмоқдамиз. Биз 700 минг кишини «Меҳнат» давлат дастури билан, 32 минг кишини - иш билан таъминлашнинг харитаси билан, 440 минг кишини - бошқа давлат дастурлари билан қамраб оламиз», - деди вазир.

Меҳнат дастури билан қамраб олинган 227 минг кишига иш билан таъминлашни рағбатлантириш бўйича турли чоралар кўрилади. Улар учта йўналишда ҳаракат қилишади.

«Биринчидан, қисқа муддатли ўқитиш, техник ва касб-ҳунар таълими учун 36 минг киши юборилади. Бугунги кунга қадар 2000 киши қисқа муддатли курсларни бошлади. Иккинчи йўналишда «Бастау» бизнес-лойиҳаси 10500 кишини бизнес кўникмаларига ўргатишни бошлади. Сайловолди платформасига кўра, йил охирига қадар, 30 минг киши ўқитилади. Керакли маблағ ва ресурслар тўлиқ таъминланган. Бу йил ўзи учун очиш ва кенгайтириш учун 5000 та микрокредит ва 21000 та грант берилади. Учинчи йўналишда, субсидия қилинган иш ўринлари ҳисобига меҳнат бозорига мослашиш учун 128 минг кишига ва 7 минг кишига ихтиёрий равишда кўчиб ўтишга кўмак берилади», - деди С. Шапкенов.

Муаллиф: Айжан Серикжанқизи