Қозоғистонда биринчи марта онкологияни даволашнинг ўзига хос усули қўлланилди

5 Декабрь, 17:31
Қозоғистонда биринчи марта онкологияни даволашнинг ўзига хос усули қўлланилди

ASTANA. Кazinform – Қозоғистонда биринчи марта саратон касаллигига чалинган болаларнинг суяк илиги трансплантацияси учун бутун танани нурлантиришнинг энг сўнгги усули қўлланилди.

Астана шаҳрида UMIT халқаро онкология томотерапия маркази ва Миллий она ва бола маркази онкологлари хорижлик мутахассислар билан биргаликда онкологик касалликларни даволашда энг янги техника – «Total Body Irradiation»(TBI) бўйича ўқув мастер-класси ўтказди. Суяк илиги трансплантациясига муҳтож бўлган бемор қиз мисолида UMIT Халқаро онкология маркази мутахассислари россиялик онкологлар ва Миллий она ва бола маркази шифокорлари билан ҳамкорликда танани умумий нурлантиришнинг ўзига хос усулини қўллашди.

«12 ёшли Каусар саратон касаллигини даволаш учун суяк илиги трансплантациясига муҳтож. У аввал Туркияда даволанган. Аммо у донор топмай мамлакатга келган. Энди пойтахт марказида беморнинг бутун танасини нурлантириш орқали даволаш амалга оширилди. Бу саратон касаллигига чалинган беморни суяк илиги трансплантациясига тайёрлашда зарурий қадамдир. Илгари бу тартиб Қозоғистонда ҳеч қачон қўлланилмаган», — дейилади матбуот хабарида.

Умуман олганда, TBI технологияси нурланишдан маълум жойларда ўсмаларни йўқ қилиш учун эмас, балки бутун танани суяк илиги трансплантациясига тайёрлаш учун ишлатади. Трансплантация қилинган суяк илиги асосида инсон танаси касалликсиз яшашни ва тикланишни давом эттиради.

«Бу, шубҳасиз, Қозоғистон соғлиқни сақлаш соҳасининг муваффақиятидир. Чунки бугунги кунга қадар бирорта онкология диспансерида лейкознинг миелоид лейкемия, лимфобластик лейкемия каби турлари билан оғриган беморларни суяк илиги трансплантацияси йўли билан даволашда бутун танани нурлантириш амалга оширилмаган, – дейди UMIT Халқаро Онкология Томотерапия Маркази директори Ержан Шаяхметов.



Ўхшаш янгиликлар

Янгиликлар